HG AEGIS 神盾高達 - 製作(4) - 整下你個頭

頭部設計尚算可以，但離不開HG的死症，就係角太粗同埋線條太淺，用劃線筆畫會太粗，而攝影機只貼紙解決分色問題也欠觀感。

處理方面以提升細緻度為主。面部雖分成眼面加下巴兩部份，但係就要夾在頭的前後兩件件中間，要做無縫上色就要將面部分件。

如圖將頭的前後兩片件先做無縫。在必要處施加刻線, 然後如常上色. 
這裏筆者是先上好後腦的監視器銀底藍+灰框, 再上本體紅色, 再用金屬銀色打好兩枚火神炮的外露部份. 滲好線後就有這個效果.

面部先以針筆刻線勾出裝甲乃眼部。以透明綠色覆蓋銀油做眼。上好銀色後以遮蓋膠紙封住眼部, 真接用消光白上面頰的白色, 做好哂之後用滲線油補返眼睛以外部份的黑色就完成.  下巴是分件所以只需如常上主體紅色, 直接裝上.

天線先以筆刀削尖, 由五角形削至三角形, 基座及天線連接位要重加刻線加強不同顏色的效果.

上色次序為先上中央的監視器的銀底藍, 然後遮蓋這部份, 上天線角的黃色, 最後遮對天線黃角上中央的主體紅色.  (註:  這次序是我認為最容易施放遮蓋膠紙的, 可因人而異).

圖為上好色未滲線的圖樣:

頂角零件相對容易, 只須以銀底藍上好監視器, 遮蓋好上白, 底部可按個人喜好上回主體紅 (不想花時間做遮蓋上回白色就算都可以, 反正設定中沒有這個監視器在.

上好色之後會是這效果 (未滲線).

這時所有部件都已READY.  最難是下一關將面頰及下巴塞回去的一步

放好後頭部就完成.